Søk om formidlingsstøtte
Polyfon deler ut støtte til arrangement og andre formidlingsprosjekt etter søknad. Søknadsfristar: 1. februar, 1. juni og 1. oktober kl. 13.00. Dersom desse faste fristane fell på ein helgedag eller annan fridag, vert fristen utsett til kl. 13.00 første kvardag etter dette. Det vert lagt opp til rask sakshandsaming.
Hovedinnhold
Informasjon om ordninga
Søknader sendast gjennom eit eige skjema, sjå nedanfor. Søknader vert vurderte av sekretariatet.
Generelle retningslinjer
- Alle aktørar i klynga har høve til å søkje om støtte
- Ved vurdering av søknader, vil kvalitet vere eit hovudkriterium, samstundes som der også vil verte gjort ei heilskapleg vurdering med tanke på utviklingsbehova i kunnskapsklynga
- Det kan søkjast om støtte til arrangement (t.d. utgifter til honorar, reiseutgifter, husleige, servering) og til andre formidlingsprosjekt, som t.d. film og brosjyre
- Søknader skal vere grunngitt i behov i eit praksisfelt. Dette vert likevel forstått vidt, og vil t.d. kunne inkludere tema som praksisrelatert fagkritikk og/eller utvikling av føresetnader for praksisrelevant forsking
- Prosjekt som inkluderer a) samarbeid mellom fleire deltakarar i klynga, og/eller b) samarbeid med brukarar, vil verte vurderte som særleg interessante
Når det gjeld samarbeid med brukarrepresentantar eller andre med erfaringskompetanse, gir Polyfon sin rettleiar for brukarmedverknad informasjon om gode praksisar for brukarmedverknad.
Krav til søknader og rapportering
Søknader sendast gjennom skjema, der du må informere om:
- Ansvarleg klyngedeltakar(ar)
- Personalia til kontaktperson (namn, tlf. og e-postadresse)
- Tittel på formidlingsprosjekt / arrangement
- Målgruppe
- Kort beskriving av korleis arrangementet/filmen/brosjyren dekkjer behov i eit praksisfelt, og evt. korleis det kan fremme samarbeid
- Budsjett
Innan ein månad etter arrangementet/produksjonen må søkjar/kontaktpersonen sende inn ein kort oversikt over kva midlane vart brukt til.
Økonomi, forankring og formidling
Det vert kvart år sett av ca kr. 100.000 til formidlingsstøtte. Aktuelle søknadssummar er avgrensa nedover til kr. 2.000,- og oppover til kr. 15.000,-, unntaksvis til ein høgare sum.
Merk:
- Søknader skal vere godkjende og underteikna av leiinga hjå aktuell klyngedeltakar. Ei slik godkjenning skal dokumenterast ved at ein i det digitale søknadsskjemaet lastar opp ein e-post der leiinga eksplisitt stadfestar at den konkrete søknaden er godkjent.
- Som hovudregel vert det forventa at klyngedeltakaren stiller med ein eigeninnsats som minst svarar til den summen det vert søkt om.
- Ved tilslag, vert støtte utbetalt til søkjande klyngedeltakar, som forvaltar tildelinga.
Søknad om Polyfon formidlingsstøtte
Søknadsskjema Polyfon formidlingsstøtte
Søknadsfristar: 1. februar, 1. juni og 1. oktober kl. 13.00
Rapportering
Ein kort rapport på kva midlane vart brukt til vert sendt inn seinast ein månad etter arrangementet / produksjonen.
Rapportskjema Polyfon formidlingsstøtte
Korleis formidlar vi formidling?
For arrangement gjeld:
- Søkjar sender arrangementsinformasjon til Polyfon snarast mogleg etter tildeling, slik at arrangementet kan synleggjerast i Polyfons kalender og på klyngas Facebook-side
- Polyfon vert invitert inn i den faglege planlegginga av arrangementet
- Søkjar synleggjer Polyfon-støtta, gjerne ved bruk av Polyfon-logo
For film, brosjyrar o.l. gjeld:
- Polyfon kan bruka filmen, brosjyren o.l. i arbeidet sitt
- Som hovudregel ønskjer vi å gjera filmar/brosjyrar tilgjengeleg på klyngas nettside, slik at materialet kan inngå i klyngas arbeid med å dele erfaringar og kunnskapar
- Søkjar synleggjer Polyfon-støtta ved bruk av Polyfon-logo i filmar, brosjyrar m.m.
